الاسم: Fatosha 
اليوم جاية عبالي احكيلكم عن ظاهرة ع قد ما صايرة منتشرة ومتفشية وممعوطة معط بالمجتمع على قد ماهي مبتذلة وبايخة وبتنرفز ..
القصة ومافيها أنك بتكوني فايقة الصبح وطالعة من البيت وأنتِ مبسوطة أو نص مبسوطة أو مو مبسوطة منوب منوب .. ماشية بنور الله وعم تقولي أصبحنا واصبح الملك لله ..
وما بتلائي غير حدا نط لنص وشك بملامحو المرتاحة ووشو البشوش وزت بأدنك هديك الجملة القنبلة وهو مرووووء ... ممكن نتعرف؟!!!!!!!
طبعا أنتي بهالموقف ممكن تزوريه وتزتيلو شي كلمة تزعجه فيها ، بس بعد شو؟ ... بعدما يكون نزعلك صباحك يلي بيجوز بيجوز هه مايكون انتزع لسى من شي تاني ..
بتحملي حالك وبتطلعي ع الباص أو الميكرو عم تفكري بقديش عندك شغل أو دراسة أو بأي شي تاني زاعجك .. ممكن يكون ممكن نتعرف نبر ون ...ومابتلائي غير يلي قدامك هيك شنك وزتلك هديك الكلمة ذات الرنين المغناطيسي مو الجاذب أبدا لأ المنفر كتير : ممكن نتعرف؟!...
هون بئى ممكن يطلع من راسك دخنة أو ريحة شويط ... بتعقدي الحاجبين نص شبر وبتطلبي من شوفير الميكرو ينزلك على اليمين أحسن ماتحلفي يمين أنو ماعاد تركبي مكاري ..
وبطبطلي تروحي بتلفي وبترجعي ع بيتك ...وبما أنك معصبة من كل هالممكنات نتعرف بتفتحي التلفزيون على شي غنية على أمل تروقي شوي..وأنت عم تتفرجي وبلشت هه تنسي عينك بالغلط بتضرب على شريط المسجات يلي بسفل الشاشة وبتنفلجي بالجملة ذاتها مع شوية بهارات مشان السوسبينس : أنا شب أموووووررر ومهضوووم عاوز اتعرف على بنوتة دلوعة ... لك ساعتها بتسبي حالك وبقولي تضربي انت والساعة يلي حبيتي فيها تفتحي التلفزيون ...
بتهدي حالك وبتعطي حالك تفاؤل بأنك إذا فتحتي الراديو مارح تلاقي شريط مسجات تتفركشي فيه بممكن نتعرف ...
بدور بهالمحطات ومن موجة لموجة لتلاقي شي غنية تنبسطي عليها ... وفجأة وبدون سايق إنذار وبنص الغنية بتنط المذيعة الدلوعة وبتزتلك الجملة الشهيرة : مومو بعت Sms وحابب يتعرف !!!!!!!!!!!!!!!
هون بئى وعند هالكلمة بالذات رح تمسكي الراديو وبتنطي فوقه عشر نطات وبتشوطيه عشر شوطات وبعدين بطلعي بتزتيه من ع البرندة ... وبتعدي تضحكي وتبكي ع حالك ..
بس انتبهي انو مايكون في حدا قدامك لانو إذا أهلك شافوكي بهالحالة رح يتصلوا بسرعة بمستشفى المجانين وياخدوكي لهونيك ...
بس المصيبة الكبيرة أنو شي مجنون هونيك يقلك ممكن نتعرف؟؟!!!
كتبها Fatosha في 07:51 مساءً ::
10 تعليقات
في21,كانون الأول,2006 - 09:47 مساءً, بندر الجالي كتبها ...
ماعاد تنفع الموضه القديمة نضرة فابتسامة فموعد فلقاء .
الآن
كلاحة وملاحة وممكن نتعرف ياتفاحه ^_^
زمان الغزل مغامرة غير محسوبة العواقب والنتيجة ( لزق جروح )
هلا بلوتوث العاشق الي بدو يتعرف ( حب ع الريحه ) ع حسب البرفان
فيه غلط في البنت ولا مايتجراء الشب
في06,كانون الثاني,2007 - 01:46 صباحاً, قاسم أونلاين كتبها ... (غير موثّق)
فتوشة خانم ... صرلك زمااان ما كتبتي شي ....
على كل حال ما يسكر نسيتي تذكري الحالات التالية ...
بتكوني قاعدة بمطعم أو كافيه أو أو أو .... الخ : بيجيكي بلوتوث ؛ ممكن نتعرف
بتكوني قاعدة بمدرج الجامعة عم تاخدي محاضرة .... بيجيكي بلوتوث ؛ ممكن نتعرف
بتفوتي على غرفة تشات ودردشة : بينفتح بوشك مليون برايفيت ؛ ممكن نتعرف
بيرن تليفونك : بيطلع واحد غلطان ؛ بتعجبو السيرة وبيقللك قبل ما يسكر ؛ ممكن نتعرف
طبعاً هالشغلات اللي حكيتها أكيد مو عن خبرة أو تجربة , هالشغلات كتيرين من رفقاتي بمارسوها بشكل يومي لدرجة انو الممكن نتعرف هي خلتنا نفوت بخناقات انا ورفقاتي مشان كتيرين من رفقاتنا حاولوا بمبدأ ممكن نتعرف .......
تحياتي
قاسم ...
يي .. نسيت ... ممكن نتعرف (( وش حاطط ايدو على تمو ))
في15,نيسان,2007 - 02:48 مساءً, صافى البحرماجد كتبها ...
شى طيب ان يكون التعارف بين رجل وامراه تعارف صداقه؟ ولكن هل تبقى النفس البشريه فى غريزتها من الطرفين او من القلبين نظرات شرسه غير مرئيه فالسؤال يا ترى ؟ هل يستطيع الرجل والمراة العيش بدون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
في30,أيار,2007 - 09:05 صباحاً, علوشة كتبها ... (غير موثّق)
ممكن نتعرف :)
في17,حزيران,2007 - 12:48 صباحاً, مهند نداف كتبها ...
أه صحيح فتوشة
ممكن نتعرف .......؟؟؟
في04,تموز,2007 - 07:30 صباحاً, Totti كتبها ...
ممكن نتعرف.......
في23,شباط,2008 - 08:19 مساءً, مجهول كتبها ...
هااااااااااااي فتووووووشة ممكن نتعرف ولكي مني هدية بوووووووووووووووسة ممممممممممممح
في27,آب,2008 - 11:01 صباحاً, مجهول كتبها ...
ممكن نتعرف انا احمد من مصر الاميل ah_me_d_hboob_2009@hotmail.com
في04,أيلول,2008 - 09:07 صباحاً, مجهول كتبها ...
انا شاب من الإمارات وابغي اتعرف على بنات وهذا ايميلي :
fazza85@windowslive.com
في06,تشرين الأول,2008 - 11:21 مساءً, مجهول كتبها ...
أنا شاب من الإمارات , أبغي أتعرف على شباب وبنات من الإمارات .
وهذا ايميلي : fazza85@windowslive.com